.jpg)
គិតមកដល់បច្ចុប្បន្ន ទារក និងកុមារចំនួន ៨២ ៣៤១ នាក់ នៅក្នុងប្រទេសម៉ាឡេស៊ី បានធ្វើតេស្តវិជ្ជមានជំងឺកូវីដ ១៩។ នេះបើតាមការឱ្យដឹងពីរដ្ឋមន្ត្រីក្រសួងសុខាភិបាល លោក Adham Baba កាលពីថ្ងៃទី ៣១ ឧសភា កន្លងទៅ។
លោកវេជ្ជបណ្ឌិត Adham បានធ្វើសេចក្ដីលម្អិតថា កុមារមានអាយុក្រោម ៤ ឆ្នាំ ទាំងអស់មាន ១៩ ៨៥១ ករណី ខណៈកុមារអាយុពី ៥ ទៅ ៦ ឆ្នាំ មាន ៨ ២៣៧ ករណី។ ដោយឡែក កុមារដែលមានអាយុចាប់ពី ៧ ទៅ ១២ ឆ្នាំមានសរុប ២៦ ៨៥១ ករណី រីឯកុមារអាយុពី ១៣ ទៅ ១៧ ឆ្នាំ មាន ២៧ ៤០២ ករណី។
ក្រសួងសុខាភិបាល ក៏បានសម្តែងក្ដីបារម្ភយ៉ាងខ្លាំងទាក់ទិននឹងករណីឆ្លងលើកុមារដ៏ច្រើនសន្ធឹកសន្ធាប់នេះ ព្រមទាំងបានណែនាំឱ្យអាណាព្យាបាលមើលថែរក្សាកូនឱ្យបានល្អិតល្អន់ ចៀសវាងការឆ្លងជំងឺនេះ។
កាលពីថ្ងៃចន្ទ កន្លងទៅ ម៉ាឡេស៊ីរកឃើញករណីថ្មីចំនួន ៦ ៨២៤ ករណីថ្មីបន្ថែមទៀត ដែលធ្វើឱ្យចំនួនអ្នកឆ្លងសរុបឡើងដល់ទៅ ៥៧២ ៣៥៧ ករណី៕
