Bitcoin កំពុងឈានដល់ការធ្លាក់ចុះជាថ្មីម្តងទៀត បន្ទាប់ពីមានការព្រមានថ្មីពីសំណាក់មន្រ្តីចិន ជុំវិញការចុះបង្ក្រាបរូបិយប័ណ្ណឌីជីថល។
រូបិយប័ណ្ណឌីជីថលនេះបានធ្លាក់ចុះ ១០ ភាគរយ ក្នុងការជួញដូរនៅចុងសប្តាហ៍នេះ មកត្រឹម ៣៥,៦៣៦ ដុល្លារ។ ការវាយប្រហារចុងក្រោយបានកើតឡើងនៅពេលក្រុមប្រឹក្សារដ្ឋចិនបាន អំពាវនាវជាថ្មីម្តងទៀតដើម្បីកាត់បន្ថយការជីករក Bitcoin និងធ្វើពាណិជ្ជកម្ម Bitcoin។
ការធ្លាក់ចុះនៃរូបិយប័ណ្ណឌីជីថលនេះ គឺចាប់ផ្តើមដោយពេលដែលលោក Elon Musk ប្រកាសផ្អាកការទទួលយកការទូទាត់ Bitcoin នៅក្រុមហ៊ុនTesla Inc នៅលើគណនីបណ្តាញសង្គមរបស់លោក។ធនាគារកណ្តាលរបស់ប្រទេសចិន បាននិយាយបន្ថែមទាក់ទងនឹងការធ្លាក់ចុះនេះកាលពីថ្ងៃទី ១៨ ឧសភា ដោយមានការព្រមាននឹងការប្រើប្រាស់រូបិយប័ណ្ណឌីជីថល។
ប្រទេសចិនបានសម្តែងការមិនពេញចិត្តជាយូរមកហើយជាមួយនឹងភាពអនាមិកដែល Bitcoin និងរូបិយប័ណ្ណឌីជីថលផ្សេងទៀត ហើយបានព្រមានមុននេះថាស្ថាប័នហិរញ្ញវត្ថុមិនត្រូវបានអនុញ្ញាតឱ្យទទួលយករូបិយប័ណ្ណឌីជីថលសម្រាប់ការទូទាត់ឡើយ៕