.jpg)
ក្រុងញូវដែលីៈ ក្រុមឃ្លាំមើលសិទ្ធិមនុស្ស (HRW) បាននិយាយ កាលពីថ្ងៃព្រហស្បតិ៍ថា ជនរងគ្រោះពីការធ្វើបាបខាងផ្លូវភេទជាកុមារនៅឥណ្ឌា ជារឿយៗមើលឃើញខ្លួនឯងថាត្រូវប៉ូលិសប្រមាថមើលងាយ ហើយត្រូវក្រុមគ្រូពេទ្យធ្វើបាបនៅពេលដែលពួកគេទទួលការលើកទឹក ចិត្តឲ្យរាយការណ៍ពីការរំលោភបំពាន។
ក្នុងរបាយការណ៍មួយ ដែលចេញផ្សាយចំពេលមានកំហឹងជាបន្តចំពោះចំណាត់ការករណីរំលោភ ក្រោយពីការរំលោភជាក្រុមសម្លាប់មនុស្សនៅក្រុងញូវដែលី ក្រុមសិទ្ធិមនុស្សនេះ បាននិយាយថា អាជ្ញាធរត្រូវតែ ដឹងកាន់តែច្រើនចំពោះជនរងគ្រោះ។
នៅឯការចេញរបាយការណ៍នេះ នាយិកា HRW ប្រចាំតំបន់ លោកស្រី Meenakashi Ganguly បានថ្លែងថា៖ «ក្មេងៗដែលហ៊ានត្អូញត្អែរពីការរំលោភផ្លូវភេទ ជារឿយៗត្រូវបានប៉ូលិស បុគ្គិលកសុខាភិបាល និងអាជ្ញាធរផ្សេងទៀតបដិសេធឬធ្វើមិនដឹងមិនឮ។ ពួកគេបែរជាជនរងគ្រោះនៃការធ្វើបាប និងប្រមាថមើលងាយ ជំនួសវិញ»។
របាយការណ៍នេះ ក៏បានរៀបរាប់លម្អិតពីរបៀបដែលពេលខ្លះក្មេង ត្រូវប្រឈមមុខនឹងអ្វីៗដែលគេហៅថា«ការធ្វើតេស្តដោយប្រើម្រាម ដៃ»ដើម្បីបញ្ជាក់ពីប្រវត្តិផ្លូវភេទរបស់ពួកគេ ទោះបីបើក្រុមអ្នកជំនាញខាងនីតិក្រមនិយាយថា ការពិនិត្យនេះ មិនមានតម្លៃខាងវិទ្យាសាស្រ្តក៏ដោយ។
របាយការណ៍នេះ ក៏បានដកស្រង់សម្តីម្តាយរបស់ក្មេងស្រីវ័យ៣ឆ្នាំដែលបានរងនូវ ឈឺចាប់បន្ទាប់ពីឃើញក្រុមគ្រូពេទ្យពិនិត្យប្រដាប់ភេទដែលត្រូវបានគេរំលោភ។
ម្តាយ ដែលគេមិនបានប្រាប់ឈ្មោះរូបនេះ ត្រូវបានគេដកស្រង់មកនិយាយក្នុងរបាយការណ៍នេះថា៖ «រយៈពេលពី៦ ទៅ៨ម៉ោង បន្ទាប់ពីការពិនិត្យ កូនស្រីរបស់ខ្ញុំ មិនអាចនោមបានទេ ព្រោះថា ធ្វើឲ្យនាងឈឺចុកចាប់ខ្លាំងណាស់»៕ NR
Contact PhnomPenh Post for full article
Post Media Co LtdThe Elements Condominium, Level 7
Hun Sen Boulevard
Phum Tuol Roka III
Sangkat Chak Angre Krom, Khan Meanchey
12353 Phnom Penh
Cambodia
Telegram: 092 555 741
Email: webmasterpppost@gmail.com
