បុរីញូវយ៉ក៖ អគ្គលេខាធិការអង្គការសហប្រជាជាតិលោក អង់តូនីញ៉ូ ហ្គុយតឺរេស កាលពីថ្ងៃចន្ទបានថ្លែងដោយបានសរសើរពីកិច្ចខិតខំប្រឹងប្រែងរបស់ចិនក្នុងការប្រយុទ្ធប្រឆាំងមេរោគកូរ៉ូណាប្រភេទថ្មី ហើយបានជឿជាក់ទាំងស្រុងទៅលើសមត្ថភាពរបស់ប្រទេស ចិន ដែលបានគ្រប់គ្រងការផ្ទុះមេរោគផ្លូវដង្ហើមនៅក្នុងទីក្រុងវូហាន។
នៅក្នុងកិច្ចប្រជុំរបស់លោកជាមួយតំណាងអចិន្រៃ្តយ៍របស់ចិនប្រចាំនៅអង្គការសហប្រជាជាតិលោក ហ្សាង ចុន ជាប្រធានអង្គការសហប្រជាជាតិបានថ្លែងថា ចំពោះពេលវេលាដ៏មានសារៈសំខាន់នេះ អង្គការសហប្រជាជាតិបានសហការជាមួយរដ្ឋាភិបាល និងប្រជាជនចិន។
ទាក់ទងទៅនឹងបញ្ហានេះ លោក ហ្សាង ចុន បានថ្លែងថា ការផ្ទុះឡើងមេរោគផ្លូវដង្ហើមនេះ ក្រុមសេនានុព័ន្ធជាន់ខ្ពស់នៃរដ្ឋាភិបាលចិន បានទប់ស្កាត់ និងគ្រប់គ្រងការរាលដាលជំងឺឆ្លងផ្លូវដង្ហើម ហើយប្រធានាធិបតីចិនលោក ស៊ី ជីនភីង បានផ្តល់ការណែនាំយ៉ាងមានសារៈសំខាន់ ដើម្បីដោះស្រាយបញ្ហានៅក្នុងទីក្រុងវូហាន។
លោកបានបន្ថែមថា ដោយមានការចាប់អារម្មណ៍ពីប្រជាជនចិនដំបូង ប្រទេស ចិន បានចាត់វិធានការយ៉ាងឆាប់រហ័ស និងខ្លាំងក្លា ដោយមានការទប់ស្កាត់ និងយន្តការគ្រប់គ្រងនៅទូទាំងប្រទេសយ៉ាងមានប្រសិទ្ធភាពផងដែរ។
ប្រេសិតពិសេសរបស់ប្រទេស ចិន បានថ្លែងថា ប្រទេស ចិន បានកំពុងធ្វើការជាមួយសហគមន៍អន្តរជាតិនៅក្នុងស្មារតីបើកចំហ តម្លាភាព និងការសម្របសម្រួលតាមបែបវិទ្យាសាស្ត្រ។
ដោយមានស្មារតីទទួលខុសត្រូវដ៏អស្ចារ្យមួយ ប្រទេស ចិន កំពុងបង្កើនកិច្ចខិតខំប្រឹងប្រែងយ៉ាងខ្លាំង ដើម្បីទប់ស្កាត់មិនឲ្យមានការរីករាលដាលជំងឺផ្លូវដង្ហើមនេះ៕ Xinhua/SK