បុរីញូវយ៉កៈ ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃពុធ បានអនុម័តជាឯកច្ឆន្ទ ឲ្យដាក់ពង្រាយអ្នកឃ្លាំមើលចំនួន ៧៥ នាក់ ទៅកាន់យេម៉ែន នៅក្នុងបេសកកម្មថ្មីមួយ ដើម្បីគាំទ្របទឈប់បាញ់ដ៏ផុយស្រួយមួយ និងត្រួតពិនិត្យការដកកងកម្លាំងចេញពីតំបន់កំពង់ផែក្រុងហូដេដាដែលងាយផ្ទុះអំពើហិង្សានោះ។
បេសកកម្មរបស់ក្រុមឃ្លាំមើល ត្រូវបានឯកភាពគ្នានៅអំឡុងពេលកិច្ចចរចាកាលពីខែមុន នៅប្រទេសស៊ុយអែតរវាងរដ្ឋាភិបាលគាំទ្រដោយ អារ៉ាប៊ី សាអ៊ូឌីត និងក្រុមឧទ្ទាមហ៊ូធី និងក្រុមឈានមុនននោះ ត្រៀមឈរជើងនៅក្រុងដែលគ្រប់គ្រងដោយក្រុមឧទ្ទាមនោះ។
ក្រុមអ្នកឃ្លាំមើលដែលគ្មានអាវុធនោះ នឹងត្រូវបានបញ្ជូនទៅកាន់ក្រុងកំពុងហូដេដា និងកំពង់ផែ Saleef និង Ras Issa សម្រាប់រយៈពេល ៦ ខែដំបូង។
កំពង់ផែក្រុងហូដេដា គឺជាចំណុចច្រកចូលសម្រាប់ទំនិញ និងជំនួយមនុស្សធម៌ ទៅកាន់ប្រទេសយេម៉ែន៕ SK