.jpg)
ឯកអគ្គរដ្ឋទូតUSលោក Kelley Currie ចូលរួមជំនួបនៅក្រុងហ្សឺណែវ។ AFP
ក្រុងហ្សឺណែវៈ អាមេរិកកាលពីថ្ងៃពុធ បានសម្តែងការខកចិត្តយ៉ាងខ្លាំងចំពោះការខកខានរបស់ប្រទេសមូស្លីមទាំងអស់ ដែលមិនបានចាត់វិធានប្រឆាំងនឹងទង្វើរំលោភបំពានរបស់ចិនទៅលើជនជាតិភាគតិចអ៊ូហ្គ័រ និងជនភាគតិចមូស្លីមដទៃទៀតនៅក្នុងខេត្តស៊ីនជាំង។
ឯកអគ្គរដ្ឋទូតអាមេរិក លោកស្រី Kelley Currie ដែលដឹកនាំការិយាល័យយុត្តិធម៌ឧក្រិដ្ឋកម្មសកលរបស់ក្រសួងការបរទេសបានថ្លែងថា៖ «ខ្ញុំអាចនិយាយបានថា ខ្ញុំបានខកចិត្តចំពោះការខ្វះការឆ្លើយតបពីសមាជិករបស់អង្គការសហប្រតិបត្តិការអ៊ិស្លាម (OIC) និងកង្វះការបង្ហាញការព្រួយបារម្ភជាចំហ។
លោកស្រី Currie កំពុងថ្លែងទៅកាន់ក្រុមអ្នកកាសែតនៅមុនព្រឹត្តិការណ៍គាំទ្រដោយ អាមេរិកនៅស្នាក់ការអង្គការសហប្រជាជាតិនៅក្រុងហ្សឺណែវ ដែលបានផ្តោតការយកចិត្តទុកដាក់ទៅលើការចោទប្រកាន់ពីបទចាប់ឃុំខ្លួនជនជាតិភាគតិចអ៊ុយហ្គ័រយ៉ាងច្រើននៅខេត្តស៊ីនជាំង ដែលកំពុងមានស្ថានភាពយ៉ាងជ្រួលច្របល់នោះ។
ខណៈលោកស្រីឯកអគ្គរដ្ឋទូតបានកោតសរសើរតួកគីចំពោះការរិះគន់យ៉ាងខ្លាំងកាលពីពេលថ្មីៗរបស់ខ្លួនចំពោះការប្រព្រឹត្តរបស់ប្រទេស ចិន ទៅលើជនជាតិភាគតិចមូស្លីម លោកស្រី បានថ្លែងថា ក្រុងវ៉ាស៊ីនតោនសង្ឃឹមថា អង្គការ IOC នឹងថ្កោលទោសរួមគ្នាចំពោះស្ថានការណ៍នៅខេត្តស៊ីនជាំង ដូចនឹងទង្វើដែលត្រូវបានធ្វើឡើងទាក់ទងនឹងការរំលោភសិទ្ធិមនុស្សប្រឆាំងជនមូស្លីមនៅមីយ៉ាន់ម៉ានិងស៊ីរីដែរ៕ AFP/SK
