ដោយសារ​តែ​ចង់​ឮ​បទ​ភ្លេង​បាយ​ខុន​ចងដៃ ដើម្បី​បាន​ក្រាប​សំពះ​ផ្ទឹម​មុខ​មេបា​តាម​គន្លង​ប្រពៃណី កូនក្រមុំ​ដែល​បន្ទុំ​សម្រស់​ចាំតែ​ថ្ងៃ​ទ្រង់គ្រឿង​មង្គល ខណៈ​ពេលា​រៀប​​អាពាហ៍ពិពាហ៍​ខិតជិត​ចូល ដ្បិតតែ​មិន​មាន​ប្រាក់​កាស​ចាត់​ចែង​ពិធី ទើប​កើត​ចិត្តធំ​ហ៊ាន​ចេញ​ធ្វើជា​ចោរ​ដៃ​ឆៅ​ប្លន់​ម៉ូតូ​រក​លុយ​មក​រៀបការ​ប្តី​បំពេញ​មុខ​មាតាបិតា។ តែ​គួរ​ឲ្យ​ស្តាយ​ទង្វើ​ប្រាស់​ចាក​គន្លង​ច្បាប់​បាន​ត្រឹម​តែ​បន្សល់​នូវ​វិប្បដិសារី​ក្នុង​ជីវិត និង​រឿង​អាស្រូវ​ឈ្មោះ​ជាប់​ជា​កូនក្រមុំ​ជាប់​ពិរុទ្ធ​ទៅវិញ។