ភ្នំពេញៈ ​ក្រុម​អត្តពលិក​ជម្រើស​ជាតិ​ចំនួន​ ១២ ​នាក់ រួម​ទាំង​គ្រូ​បង្វឹក និង​គ្រូ​ជំនួយ​មួយ​ចំនួន​ទៀត​នៃ​ប្រភេទ​កីឡា​អត្តពល​កម្ម និង​ប្រដាល់​សកល ដែល​មាន​ឈ្មោះ​ត្រៀម​ចេញ​ទៅ​ប្រកួត​កីឡា​ស៊ី​ហ្គេម​លើក​ទី​ ២៨ ​នៅ​ប្រទេស​សិង្ហបុរី​ ក្នុង​ខែ​មិថុនា ខាង​មុខ​នេះ ត្រូវ​បាន​បញ្ជូន​ឲ្យ​​ទៅ​ហ្វឹកហាត់ ​បែប​លក្ខណះ​ពិសេស​ នៅ​លើ​ភ្នំបូកគោ នៃ​ទឹក​ដី​ខេត្តកំពត​រយៈពេល​ ២ ​ថ្ងៃ ​គឺ​ថ្ងៃ​ទី​ ២៧ និង​ថ្ងៃ​ទី​ ២៨ ខែ​ឧសភា ​នេះ។