ភ្នំពេញ: ប្រធាន​សហព័ន្ធ​កីឡា​ប្រដាល់​គុនខ្មែរ បាន​សម្រេច​ជ្រើសរើស លោក ឡុង សាលវ័ន្ត ឲ្យធ្វើ​ជាគ្រូ​ជំនួស គឺ​បន្ថែម​ទៅលើ​គ្រូបង្វឹក លោក ឈិត សារឹម និង​លោក​អេភូថង ដែល​បានជាប់​ការបោះឆ្នោត កាលពី​ថ្ងៃទី ៣ ខែកុម្ភៈ ឆ្នាំ ២០១៧ ប៉ុន្តែ​ការបន្ថែម​លោក ឡុង សាលវ័ន្ត ជាគ្រូ​ជំនួយ​នេះ ជានយោបាយ​ផ្ទាល់​របស់​សហព័ន្ធ​កីឡាប្រដាល់​គុនខ្មែរ ព្រោះ​កូតា​គ្រូបង្វឹក​ដែល​ក្រសួង​អប់រំ យុវជន និង​កីឡា បាន​កំណត់គឺមាន​តែគ្រូ​បង្វឹក ២ នាក់ទេ ដោយ​ទទួលបាន​របប និង​ប្រាក់ខែ​ពីក្រសួង។ ជាមួយ​គ្នានេះ​កីឡាករ​គុនខ្មែរ​ជម្រើសជាតិ​ចំនួន ៦ នាក់ ដែល​ជាប់ឆ្នោត​មុននោះ ក៏មាន​ការផ្លាស់ប្តូរ​យក​សមាសភាព​ថ្មីមួយ​ចំនួន​មក​ចូល​ផងដែរ។