ភ្នំពេញៈ ក្រោយពី​បាន​បញ្ចប់​ការ​ប្រកួត​ដណ្តើម​ខ្សែក្រវាត់​ក្នុង​ទម្ងន់​៥៧​គ.ក្រ កាលពី​ចុងសប្តាហ៍​មុន​នេះ ដោយ ម៉ន លីហ៊ួរ បាន​ក្លាយ​ជា​ម្ចាស់​ខ្សែក្រវាត់​នោះ ក្រុមហ៊ុន​គូបូតា រួម​ជាមួយ​សហព័ន្ធ​កីឡា​ប្រដាល់​កម្ពុជា និង​ទូរទស្សន៍​បាយ័ន បាន​សម្រិតសម្រាំង​យក​កីឡាករ​ល្អៗ​៨​នាក់​ទៀត ដើម្បី​ត្រៀម​បើក​ការ​ប្រកួត​ដណ្តើម​ខ្សែក្រវាត់​គូបូតា វគ្គ​២ ក្នុង​ទម្ងន់​៦៥​គ.ក្រ​ជា​បន្ត​ទៀត​ចាប់ផ្តើម​ពី​ចុង​ខែ​សីហា​នេះ​តទៅ។