ភ្នំពេញ: លទ្ធផល​ប្រដាល់​ក្បាច់​បុរាណ​ខ្មែរ​ទាំង​ថ្នាក់ជាតិ និង​អន្តរជាតិ​មិត្តភាព​កម្ពុជា និង​ថៃ​នៃ​សង្វៀន​ចំនួន​ ៣ ​​រួមមាន បាយ័ន​រោងសៀក បាយ័ន​បឹងស្នោ និង​បាយ័ន​ស្ទឹងមានជ័យ កាលពី​ថ្ងៃ​អាទិត្យ បាន​បង្ហាញ​ឲ្យ​ឃើញ​នូវ​ភាពចម្លែក​ដ៏គួរ​ឲ្យ​កត់សម្គាល់​​ទាក់ទង​នឹង​ការផ្គូផ្គង និង​ការប្រកាស​លទ្ធផល​​។ កីឡាករ​​ប្រដាល់​ជើងខ្លាំង​ ឯម ខ្លឹមខ្មៅ ​តារាប្រដាល់​ដ៏ឆ្នើម​ប្រចាំ​សង្វៀន​ដែល​មាន​កម្រិត​បច្ចេកទេស​ក្បាច់គុន​ល្អ​ដាច់​នោះ​ ត្រូវ​បាន​ដាក់​ឲ្យ​ប្រកួត​​នៅ​សង្វៀន​រោងសៀក​ជាមួយ​កីឡាករ​ ម៉ូ រដ្ឋា ដែល​កម្រិត​វិជ្ជាគុន​​របស់​គេ​ត្រូវ​បាន​គេ​ស្គាល់​ថា កីឡាករ​ក្នុង​លំដាប់​បាតតារាង និង​ប្រកួត​ភាគច្រើន​របស់​គេ​គឺ​ចាញ់ ច្រើន​ជាង​ឈ្នះ​។