ក្រុងប៉ារីស: ក្តីសង្ឃឹម​របស់​ក្រុម​បាល់ទាត់​ជម្រើស​ជាតិ​ហូឡង់ ក្នុងការ​ឈាន​ទៅ​ប្រកួត World Cup ជុំ​ផ្តាច់ព្រ័ត្រ បានរង​នូវការ​ខកចិត្ត​ដ៏ធំ​មួយ កាលពី​ថ្ងៃ​សៅរ៍ នៅពេល​ដែល​ក្រុម​ម្ចាស់​ជើងឯក​រងបី​សម័យកាល​មួយនេះ បានរង​បរាជ័យ​ដ៏មិន​នឹកស្មាន​ដល់​ក្នុង​លទ្ធផល ២-០ ក្រោម​ស្នាដៃ​ក្រុម​ជម្រើស​ជាតិ​ប៊ុលហ្គារី។ ការ​បរាជ័យ​នេះ បាន​ធ្វើឲ្យ​ក្រុម​ហូឡង់ ដេញ​តាម​ពីក្រោយ​ក្រុម​កំពុង​នាំមុខ​ក្នុងពូល A ចំនួន ៦ ពិន្ទុ ក្រោយ​ពីក្រុម​មាន​រហស្សនាម​ថា មាន់គក​មួយនេះ បាន​ផ្តួលក្រុម​ជម្រើសជាតិ​លុច​សំបួ ៣- ១។