.jpg)
លោក Pochettino ប្រាប់កូនក្រុមក្នុងការប្រកួតលីកអង់គ្លេសពីថ្ងៃទី ២៨ ខែកញ្ញា។ រូប AFP
ក្រុងឡុងដ៍៖ អតីតខ្សែការពារនៅក្លិបកាំភ្លើងធំ Arsenal គឺលោក Martin Keown បាននិយាយថា ក្រុមកាំភ្លើងធំគួរតែចាប់យកឱកាសនេះពិចារណាចំពោះអតីតគ្រូបង្វឹកក្លិប Tottenham លោក Mauricio Pochettino។
ក្លិប Spurs បានចាត់វិធានការភ្លាមៗបណ្ដេញគ្រូបង្វឹករបស់ខ្លួន គឺលោក Pochettino ហើយបានដាក់ជំនួសដោយលោក Jose Mourinho កាលពីថ្ងៃអង្គារ ក្រោយពីមានសំណាងមិនល្អរយៈពេល ៥ ឆ្នាំចុងក្រោយនេះ។
គ្រូបង្វឹកក្រុមកាំភ្លើងធំលោក Unai Emery បានស្ថិតនៅក្រោមការពិនិត្យពិច័យកាន់តែខ្លាំងឡើងនៅចំពេលចាប់ផ្តើមរដូវកាលដ៏ច្របូកច្របល់នេះ ហើយទោះបីលោក Keown មិនចង់ឲ្យមានការសម្រេចចិត្តបែបណាទៅលើអនាគតរបស់គ្រូបង្វឹករូបនេះក៏ដោយ ប៉ុន្តែគាត់មានអារម្មណ៍ថា ក្រុមប្រឹក្សារបស់ក្លិប Arsenal គួរតែដឹងច្បាស់ពីការផ្លាស់ប្តូរកាលៈទេសៈដែលអាចកើតឡើងបានជាយថាហេតុ។
លោក Keown បានប្រាប់កាសែត Daily Mail ថា៖ «មិនចាំបាច់ភ័យស្លន់ស្លោចំពោះក្លិប Arsenal ទេព្រោះយើងកំពុងធ្វើដំណើរជិតដល់ចំណុចនោះហើយដោយសារយើងមិនមានរដូវកាលល្អបំផុតនោះទេ»។
អតីតខ្សែការពារក្លិបកាំភ្លើងធំរូបនេះបានបន្ថែមថា៖ «ប៉ុន្តែអំណាចកំពូលរបស់ក្លិបនេះគួរតែពិចារណាឲ្យបានល្អិតល្អន់ក្នុងការជ្រើសរើសយកលោក Pochettino»។
លោក Keown បានបន្តថា៖ «ខ្ញុំមានការកោតសរសើរជាច្រើនចំពោះអ្វីដែលគាត់បានធ្វើនៅក្លិប Tottenham គឺជាលក្ខណៈដែលគាត់មើលថែ និងបណ្ដុះបណ្ដាលកីឡាករវ័យក្មេងទាំងនោះហើយគាត់បានជួយសន្សំសំចៃប្រាក់របស់ក្លិបនេះផងដែរ»។
លោក Keown បានបន្ថែមថា៖ «ខ្ញុំសូមជំរុញឲ្យយកលោក Pochettino ព្រោះគាត់សមនឹងតំណែងនោះ។ ខ្ញុំគិតថា វាជាការបណ្ដេញចេញដ៏សំខាន់មួយសម្រាប់អ្នក ហើយអ្នកនឹងមានគ្រូបង្វឹកច្រើនដែលអ្នកកំពុងតែសម្លឹងមើលឃើញ»។
លោក Keown បានបន្ថែមទៀតថា៖ «ខ្ញុំដឹងពីកំណត់ត្រាមិនល្អដែលគាត់មានក្នុងពេលថ្មីៗនេះ ប៉ុន្តែខ្ញុំនៅតែអាចផ្តល់ឱ្យគាត់នូវឱកាសម្ដងទៀត។ ខ្ញុំមិនចូលចិត្តវិធីដែលក្លិប Tottenham បានធ្វើនោះទេ»។
លោក Keown បានបញ្ជាក់ទៀតថា៖ «មានប្រធានក្លិបជាច្រើនកំពុងសម្លឹងមើលឃើញគាត់ឥឡូវនេះ។ ក្លិប Man Utd ចង់បានគាត់កាលពីឆ្នាំមុន ហើយខ្ញុំគិតថា ក្លិប Arsenal នឹងត្រូវតែចាប់អារម្មណ៍ចំពោះបញ្ហានេះប្រសិនបើពួកគេចង់បោះជំហានទៅមុខទៀត»៕ AFP/SN
