ភ្នំពេញ: អង្គភាព ONE Fighting Championship (ONE FC) ត្រៀម​រួចជាស្រេច​ក្នុង​ការ​ផ្តល់​នូវ​ភាព​រំភើប​ផ្សេងៗ ក្រោយពី​ពួកគេ​បាន​បង្ហាញ​បញ្ជីឈ្មោះ​នៃ​គូប្រកួត​ចុងក្រោយ​សម្រាប់​ព្រឹត្តិការណ៍ ONE FC: DYNASTY OF CHAMPIONS ដែល​នឹង​ត្រូវ​រៀបចំ​ឡើង​នៅលើ​សង្វៀន​នៃ​មជ្ឈមណ្ឌល​កីឡា​អូឡាំពិក​ជាតិ The Gymnasium នៅ​រាត្រី​ថ្ងៃ​សុក្រ​នេះ ក្នុង​ទីក្រុង​ប៉េកាំង ប្រទេស​ចិន​។ ព្រឹត្តិការណ៍​ដែល​ត្រូវ​បាន​សហការ​ជាមួយ​នឹង​អង្គភាព IMC Live មួយ​នេះ នឹង​ផ្តល់​នូវ​ការ​ប្រកួត​រវាង​កំពូល​អ្នកប្រយុទ្ធ​ក្នុង​ប្រភេទ​ទម្ងន់​៧០,៣​គីឡូក្រាម​ចំនួន​២​គូ​នៅពេល​ដែល​កីឡាករ Ariel Sexton ត្រូវ​ប៉ះ​ជាមួយ​នឹង Willy Ni ហើយ​កីឡាករ​មិន​ស្គាល់​ចាញ់ Michal Pasternak នឹង​ត្រូវ​ជួប​ជាមួយ​នឹង​អ្នកប្រយុទ្ធ​មកពី​ព័រទុយហ្គាល់ Rafael Silva​។