ក្រុមម៉ាឌ្រីដ: James Rodriguez តារា​ឆ្នើម​ក្នុង World Cup របស់​ក្រុម​បាល់ទាត់​ជម្រើស​ជាតិ​កូឡុំប៊ី ត្រូវ​បាន​ប្រកាស​ថា ជា​កីឡាករ​ចំណូល​ថ្មី​ដ៏​គួរ​ឲ្យ​ចាប់​អារម្មណ៍​ចុងក្រោយ​គេ​បំផុត​របស់ Real Madrid នៅ​ពី​មុខ​អ្នក​គាំទ្រ​រាប់​ពាន់​នាក់​នៅឯ​កីឡដ្ឋាន Santiago Bernabeu កាលពី​ថ្ងៃ​អង្គារ​។ Rodriguez ដែល​ជា​អ្នក​រក​គ្រាប់​បាល់​បញ្ចូល​ទី​ច្រើន​ជាង​គេ​ក្នុង​យុទ្ធនាការ World Cup នៅ​ប្រេស៊ីល​នោះ បាន​ផ្ទេរ​ទៅ​កាន់​ក្រុម​ម្ចាស់​ជើងឯក​ទ្វីប​អឺរ៉ុប​មួយ​ពី​ក្លិប Monaco ដោយ​ចុះ​កិច្ចសន្យា​រយៈពេល​៦​រដូវកាល​។