អ៊ុយរូហ្គាយ៖ គ្រូបង្វឹកជម្រើសជាតិអ៊ុយរូហ្គាយលោក Oscar Tabarez បាននិយាយថា វាល្មមនឹងគិតថា ពេលវេលារបស់កីឡាករ Luis Suarez ជាមួយក្រុមជម្រើសជាតិអ៊ុយរូហ្គាយត្រូវបានបញ្ចប់ហើយ។
ខ្សែប្រយុទ្ធ Suarez ដែលបានបង្ហាញខ្លួនសម្រាប់ជម្រើសជាតិអ៊ុយរ៉ាហ្គាយចំនួន ១១១ លើកនោះ នឹងគ្មានវត្តមានក្នុងការប្រកួតមិត្តភាពជាមួយជម្រើសជាតិប៉េរូនៅថ្ងៃទី ១១ និងថ្ងៃទី ១៥ ខែតុលា ដោយសារព្យាបាលរបួសនៅក្នុងក្លិប Barcelona។
ខ្សែប្រយុទ្ធវ័យ ៣២ ឆ្នាំរូបនេះ ត្រូវបានដាក់ឲ្យលេងក្នុងក្រុមជម្រើសជាតិនេះ ប៉ុន្តែត្រូវបានដកចេញវិញក្នុងការប្រកួតនៅទីក្រុង Montevideo និងក្រុង Lima ប្រទេស អ៊ុយរូហ្គាយ ប៉ុន្តែរូបគេនៅបន្តលេងនៅក្នុងទីក្រុង Barcelona ប្រទេស អេស្ប៉ាញ ជាមួយម្ចាស់ជើងឯកក្របខ័ណ្ឌ LaLiga គឺក្លិប Barcelona។
នៅពេលសួរពីកីឡាករ Suarez ដែលរកបាន ៤ គ្រាប់ ក្នុង ៣ ប្រកួតចុងក្រោយរបស់គាត់សំរាប់ក្លិប Barcelona និងពីអនាគតរបស់រូបគាត់នោះ លោក Tabarez បានប្រាប់អ្នកកាសែតថា៖ «កីឡាករគ្រប់រូបតែងតែហត់នឿយក្នុងអាជីពរបស់ខ្លួន។ ក្នុងទសវត្សរ៍ទី ៦០ ខ្ញុំបានអានអត្ថបទអំពីវីរបុរសប្រេស៊ីល Pele ដែលសរសេរដោយវេជ្ជបណ្ឌិតថា លោក Pele មានរាងកាយជាមនុស្សដែលមានអាយុច្រើនជាងគាត់ ២០ ឆ្នាំ»។
លោក Tabarez បាននិយាយថា៖ «ដូច្នេះថា តើកីឡាករ Suarez អាចលេងនៅក្រុមជម្រើសជាតិបានយូរប៉ុនណា? គាត់នៅទីនេះតាំងពីឆ្នាំ ២០០៧។ តើគាត់លេងបានប៉ុន្មានដង? តើគាត់ស៊ុតបាល់បញ្ចូលទីបានប៉ុន្មានគ្រាប់? តើគាត់លេងរបួសប៉ុន្មានដង? តើគាត់មានការធូរស្បើយគួរឱ្យភ្ញាក់ផ្អើលប៉ុន្មានដង? ដូច្នេះខ្ញុំគិតថា វាជាការប្រញាប់ហើយវាមិនបានដឹងថា កីឡាករ [Suarez] បាននិយាយថា គាត់បានបញ្ចប់នោះទេ គឺមិនបានបញ្ជាក់ទេ គឺមានតែពេលវេលាទេដែលអាចបញ្ជាក់ថា នរណាជាអ្នកត្រឹមត្រូវ ហើយយើងមានទំនុកចិត្តជាច្រើនចំពោះគាត់»។
គ្រូបង្វឹករូបនេះបានបន្ថែមថា៖ «វាពិតជាពិបាកណាស់ក្នុងការប៉ាន់ស្មានពីអនាគតរបស់កីឡាករ។ ខ្ញុំមិនបានស្មានពីអ្វីដែលកីឡាករ Suarez ទទួលបានក្នុងវិស័យបាល់ទាត់ទេ។ ក្នុងឆ្នាំ ២០០៦ នៅពេលគាត់មកហ្វឹកហាត់ដំបូង ខ្ញុំបានឃើញគាត់មានលក្ខណៈខុសធម្មតា ប៉ុន្តែគ្មានផ្លូវទេដែលខ្ញុំអាចស្រមៃពីអាជីពទាំងអស់របស់គាត់នោះ។ ខ្ញុំក៏មិនទទួលបានកិត្តិយសនោះដែរ។ កិត្តិយស គឺជារបស់គាត់។ គាត់បានធ្វើអ្វីៗទាំងអស់។ គាត់មានការឡើងចុះ ហើយគាត់បានធ្វើខុស ប៉ុន្តែរាល់ពេលដែលគាត់មក គឺគាត់បាននាំយកអ្វីថ្មីៗ»។
គ្រូបង្វឹករូបនេះបានបន្ថែមទៀតថា៖ «គាត់ជាអ្នករកគ្រាប់បាល់បានច្រើនជាងគេនៅទីក្រុង Groningen ប្រទេស ហូឡង់។ គាត់បានទៅលេងនៅក្រុម Ajax ហើយគាត់បានក្លាយជាប្រធានក្រុម Ajax ដែលទើបតែមានអាយុ ២១ ឆ្នាំ បន្ទាប់មកគាត់បានផ្លាស់ទៅលេងនៅក្លិប Liverpool ហើយគ្រប់គ្រាប់បាល់ដែលគាត់រកបាន គឺជាការបំបែកកំណត់ត្រាជាមួយការសម្រាកដ៏យូរមួយដោយសារបញ្ហាខ្លះៗ ប៉ុន្តែគាត់តែងតែងើបមុខជានិច្ច។ នោះជាប្រភេទកីឡាករដែលកំណត់សម័យកាលក្នុងក្រុមជម្រើសជាតិ និងក្នុងពេលវេលាដែលកីឡាករទាំងនោះជាយុវកីឡាករ ដូច្នេះពេលខ្លះអ្នកត្រូវយកចិត្តទុកដាក់លើពួកគេហើយប្រសិនបើអ្នកឃើញអ្វីមួយ អ្នកត្រូវជួយពួកគ»។
លោក Tabarez បានបន្ថែមទៀតថា៖ «អ្វីដែល Suarez បានផ្តល់ឱ្យបាល់ទាត់អ៊ុយរូហ្គាយ គឺធំធេងណាស់ហើយសូមកុំគិតពីឱកាសដែលគាត់អាចផ្តល់អ្វីបន្តិចបន្តួចចាប់ពីពេលនេះតទៅ។ ខ្ញុំសង្ឃឹមថា គាត់នៅតែអាចផ្តល់អ្វីមួយដល់យើង។ ខ្ញុំមិនប្រាកដ ១០០ ភាគរយ ទេ ថា គាត់អាចមានបញ្ហាខ្លះនោះ។ ប៉ុន្តែយើងមិនអាចព្រួយបារម្ភបានទេចំពោះការរងរបួស ឬបាត់មួយប្រកួតនោះ»។
កីឡាករ Suarez ដែលជាអ្នករកបានគ្រាប់បាល់ច្រើនជាងគេបំផុតគ្រប់ពេលវេលាសម្រាប់ក្រុមជម្រើសជាតិអ៊ុយរូហ្គាយរហូតដល់ ៥៨ គ្រាប់ ចាប់តាំងពីបានបង្ហាញខ្លួននៅឆ្នាំ ២០០៧ នោះ បានស៊ុតបាល់បញ្ចូលទីចំនួន ៦ គ្រាប់ សម្រាប់ក្រុម Barcelona នៅក្នុងការប្រកួតទាំងអស់នៅរដូវកាលឆ្នាំ ២០១៩-២០២០ នេះ៕ SN