ភ្នំពេញៈ ភាពយន្ត​ខ្នាតធំ​ដែល​ដឹកនាំ​សម្តែង​ដោយ​តារា​ភាពយន្ត​ហូលីវូដ គឺ​អ្នកនាង អេនជេលីណា ជោលី រឿង «មុនដំបូង​ខ្មែរ​ក្រហម​សម្លាប់​ប៉ា​របស់​ខ្ញុំ» នឹងត្រូវ​ចាក់​បញ្ចាំង​នៅ​តាម​រោងកុន​នានា នៅ​ក្នុង​ប្រទេស​កម្ពុជា នៅ​ថ្ងៃ​ទី ៨ ខែ កញ្ញា ឆ្នាំ ២០១៧ ខាងមុខ​នេះ​ហើយ មុននឹង​ដាក់​សម្ពោធ​តាម​ប្រព័ន្ធ​ចែកចាយ ឌីជីថល (Netflix) នៅ​ថ្ងៃ​ទី ១៥ ខែ កញ្ញា ឆ្នាំ ២០១៧ ដើម្បី​ដាក់​ប្រកួត​យកពាន​រង្វាន់​ពី​មហោស្រព​ភាពយន្ដ​ល្បីៗ​នៅ​លើ​សកលលោក។ នេះ​បើតាម​ទីភ្នាក់ងារ​ឈ្មោះ Westec Media Limited បាន​ប្រកាស​ឲ្យដឹង​កាល​ពីពេល​ថ្មីៗ​នេះ។