កំពង់ឆ្នាំង: អាស្រ័យ​ក្រោម​ខ្ទម​ធ្លុះធ្លាយ​មើល​ពី​ម្ខាង​ឆ្លុះ​​​ទៅ​ម្ខាង​ទៀត​ ​កែវភ្នែក​ភ្លៀកៗ ដូច​កូនបក្សី​​ក្នុង​សម្បុក​​ចាំ​មេ​នាំ​យក​ចំណី​មក​បញ្ចុក​ តែ​គួរឲ្យ​អនិច្ចា ​ក្មេងកំព្រា​បី​នាក់​បងប្អូន​ ​ជ្រក​ក្នុង​ខ្ទម​ព្រៃ​កម្សត់​នៅ​​ឆ្ងាយ​ពី​​ភូមិ​ក្រាំងស្គា​ដាច់​​តែឯង​ជិត ១០ គីឡូម៉ែត្រ​ នៃ​ទឹកដី​ឃុំ​ក្រាំស្គា ស្រុក​ទឹកផុស ខេត្ត​កំពង់ឆ្នាំង​នោះ ពួកគេ​គ្មាន​វាសនា​ដូច​កូនបក្សី​នោះ​​ឡើយ បើ​ទោះ​ជា​ពួកគេ​ប្រឹង​អត់​ក​ចំហ​មាត់ លុះ​ថ្ងៃរះ​ហើយ​លិច ១០ ​ទៅ​ ២០ ​ជុំ ក៏​គ្មាន​មេបា​យក​ចំណី​​​​បញ្ចុះ​ដែរ ខណៈ​​មេបា​នៅ​មាន​ដង្ហើម​ដក​​លើ​លោកិយ​យ៉ាង​គ្រហើៗ​។