កោះកុង: ស្ថិត​នៅ​ចម្ងាយ​ប្រមាណ ២០ គីឡូម៉ែត្រ​ពី​រមណីយដ្ឋាន​ពិកនិក​នៅ​ផ្លូវជាតិ​លេខ​ ៤ បង្គោល​គីឡូម៉ែត្រ​លេខ ១៣៥ ស្រុក​កំពង់សិលា ខេត្ដ​ព្រះសីហនុ ដែល​មាន​សេវាកម្ម​ផ្ទះស្នាក់​បាំងហ្គាឡូ និង​​​អាហារដ្ឋាន​បម្រើ​មុខម្ហូប និង​បន្លែ​ផ្លែឈើ​សរីរាង្គ ជាពិសេស កសិដ្ឋាន​បន្លែ ផ្លែឈើ​សរីរាង្គ​បៃតង​ខ្ចី​នៅ​ក្នុង​បរិវេណ​ជើង​ភ្នំ​ដ៏​ស្រស់ត្រកាល កសិដ្ឋាន​ដ៏ធំ​ល្វឹងល្វែង ជា​មជ្ឈមណ្ឌល​បណ្ដុះបណ្ដាល​ផលិតផល​សរីរាង្គ (OTC) មាន​​ដំណាំ​ជាង​ ៩០ ​មុខ​​រំលេច​ជា​ទិដ្ឋភាព​ដ៏​ស្រស់​ត្រកាល​គួរ​ឲ្យ​ចង់​បរិភោគ និង​គយគន់​ឥត​ជិនណាយ​លើ​ខ្នង​ភ្នំ​ដ៏ស្ងប់​សុខ​។