ភ្នំពេញៈ ចាប់​ពីម៉ោង ៤​ រសៀល​ នាថ្ងៃ​សុក្រ​ទី ៨ ខែ​កញ្ញា ចុង​សប្តាហ៍​នេះ ការ​សម្តែង​របាំ​ចម្រុះ​រឿង​នៃ​គម្រោង​ស្នាដៃ​របាំ​ចុង​ក្រោយ​គេ​ដែល​មាន​ឈ្មោះ​ថា​ «​ពិណបញ្ចពណ៌» របស់​ក្រុម​សិល្បករ-សិល្បការិនី​នៃ​អង្គការ​សិល្បៈ​ខ្មែរ​អមតៈ នឹង​សម្តែង​ចែកជូន​ទស្សនា ​ដោយ​ឥត​គិតថ្លៃ​នៅ​លើ​ឆាក​សម្តែង​សារមន្ទីរ​ជាតិ​ នៅ​ក្នុង​គោល​បំណង​ផ្សព្វផ្សាយ​គុណ​​តម្លៃ​វប្បធម៌​នៃ​របាំ​​សហសម័យ​​ខ្មែរ​ទៅ​ដល់​កូនខ្មែរ​ជំនាន់​ក្រោយ​បាន​ស្គាល់​។​