ភ្នំពេញៈ ក្រុម​អ្នក​មនុស្ស​ផាត់មុខ​មាត់ និង​តុប​តែង​កាយ​​​ចម្លែកៗ​បែប​ជា​មនុស្ស​ព្រៃ សត្វ​​ និង​តួ​អង្គ​អមនុស្ស​​​ជា​ព្រាយ​​ខ្មោច ​​ឬ​​​ម្រិញ​គង្វាល​ ព្រម​ទាំង​ក្រុម​មនុស្ស​មាន​ឈុត​ជា​មេទ័ព​កាន់​ព្រះ​ខ័ន​រាជ​ នាំ​មុខគេ​ បាន​ចេញ​ដង្ហែ​​​ក្បួន​​តាម​ផ្លូវ​ចេញពី​​ទី​តាំង​នៃ​សាលា​បឋម​សិក្សា​ពញាពន់​ ក្បែរ​ផ្សារ​ត្រពាំងព្រាយ​ មក​កាន់​តំបន់​វាល​ស្រែ​នៃ​ទី​ដី​ទួល​​អ្នក​តា​ព្រីង​ក្អែក ឬ​ អ្នក​តា​កាហ៊េ​ ​​ស្ថិត​នៅ​ក្នុង​​ភូមិ​បឹង​ សង្កាត់​ពញាពន់ ខណ្ឌ​ ព្រែក​ព្មៅ​ នៃ​តំបន់​ជាយ​​រាជ​​ធានី​ភ្នំពេញ​ បង្ក​ការ​ចាប់​​​អារម្មណ៍​ និង​ទស្សនា​ពី​សំណាក់​ប្រជាជន​ខ្មែរទាំង​ក្នុង​តំបន់ និង​ក្រៅ​តំបន់​យ៉ាង​ច្រើន​​​​ពាន់​​នាក់​ នា​ព្រឹក​ថ្ងៃ​ព្រហស្បតិ៍​ទី​៩​​ ខែ​មិថុនា​ ឆ្នាំ​២០១៦នេះ​។​