ភ្នំពេញៈ ខណៈ​ការងារ​សិល្បៈ​ក៏​មមាញឹក​គ្រង​តំណែង​តួឯក​ភាព​យន្ត​ភាគ​ដល់​ទៅ ៣ រឿង​ព្រមគ្នា តារា​ស្រីរាង​ច្រឡឹង​នាង ពៅ លីដា ក៏នៅ​តែឆ្លៀត​ផ្សព្វ​ផ្សាយ​ស្នាដៃ​ផលិតផល​ផ្អក​ ត្រសក់​ចាវ ជ្រក់ស្ពៃគីម​ឈី និង​ផ្អកត្រី​ប្រៃ ខុស​ប្លែកពី​តារា​ស្រីប្រុស​ផ្សេង​ទៀត​ដែល​សង្វាតតែ​របរ​បែប​ឡូយ​ឆាយនោះ មហាជន​លាន់​មាត់ថា​ មើលទៅ​ទំនង​ជា​កញ្ញា ពៅ លីដា កាក់កប​នឹងការ​រកស៊ី​ម្ហូបផ្អាប់​ខ្លាំង​ជាងការ​ងារ​សិល្បៈហើយ បាន​ជានាង​ខំប្រឹង​ពពាយ​នាយ​ថាម​ហ្វេសប៊ុក​ម្លឹងៗ​ហើយ​ឃើញ​មាន​ទាំង​មិត្ត​សិល្បៈ​ និង​អ្នកគាំទ្រ​នាង​ទៅ​ទិញដល់​កន្លែង​ហូរហែ​តែម្តង។