ភ្នំពេញៈ​ បើ​ទោះបី​ជា​ទើប​តែ​នឹង​ផលិត​បាន​​ភាពយន្ត​​ពីរ​រឿង​ក្តី​ក៏​ចាង​ហ្វាង​ផលិត​​​រតនៈ​មហាសាល​ហាក់​មាន​គំនិត​សុទិដ្ឋិនិយម​ណាស់​សម្រាប់​វណ្ណកម្ម​ខ្លួន​ដោយ​លោក កៅ សីហា អះអាង​ក្តែងៗ​ថា៖ «​យើង​​ចង់​ផលិត​ភាពយន្ត​មួយ​បែប​ដែល​មើល​ទៅ​មាន​លក្ខណៈ​ខុស​ប្លែក​ពី​បណ្តា​ផលិតកម្ម​ផ្សេងៗ​ទៀត​តែង​តែ​ជ្រើស​យក​តួ​សម្តែង​​​​ជា​តារា​ប្រុស​ស្រី​​ល្បីៗ​ដើម្បី​យិត​យោង​រឿង​​។ តែ​យើង​វិញ​ហាក់​ខុស​ប្លែក​ពី​គេ ដែល​សម្រេច​ជ្រើស​យក​តួ​មិន​សូវ​ល្បី​មក​​សម្តែង​វិញ​ដើម្បី​យិត​យោង​តួ​សម្តែង​ដោយសារ​​យល់​ឃើញ​ថា​ ចង់​ពង្រឹង​គុណភាព​​នៃ​ស្នាដៃ​អ្នក​និពន្ធ និង​ដឹកនាំ​រឿង​»។