សៀមរាប: ក្នុង​ស្ថាន​ភាព​ដ៏​ស្ងប់ស្ងាត់​ខុសពី​បណ្ដា​វត្ដ​អារាម​នៅ​ទី​ប្រជុំជន​ដែល​កុះករ​​ដោយ​មនុស្ស​ម្នា​យួរ​ស្រាក់​អាហារ​ពេញៗ​​ដៃ យាន​ជំនិះ​ចត​​ត្រៀបត្រា​ដល់​ថ្នាក់​មាន​សន្ដិសុខ​សម្រួល​ចរាចរណ៍ អ្នក​យាម​ស្បែក​ជើង​ នៅ​ភូមិឋាន​ដាច់​ស្រយាល​ក្បែរ​ជើងភ្នំ​ទឹកធ្លាក់​ក្នុង​ខេត្ដ​សៀមរាប​ដ៏ស្ងាត់​ជ្រងំ​ យាយ​តា​ពុទ្ធបរិស័ទ​ជាង ១០ នាក់​កំពុង​ត្រៀម​បាយ​សម្លម្ជូរ​ ស្ងោរ​ ទឹក​គ្រឿង​ប្រហុក​ត្រី​ពីរ​បីមុខ​រំលែក​ ៤-៥ ថាស​ ប្រគេន​ព្រះសង្ឃ​ក្នុង​ឱកាស​ថ្ងៃកាន់​តែទី ៦ ថ្ងៃទី ២៣ ខែ​កញ្ញា​ កន្លង​ទៅ​នេះ​។