ភ្នំពេញ: សមាជិក​ក្រុម​ម៉ូតូ​ខេធីអឹម (KTM)​កម្ពុជា​បាន​ផ្តួចផ្តើម​គំនិត​បង្កើត​ជា​កម្មវិធី​រាត្រី​សប្បុរសធម៌ ដើម្បី​រៃអង្គាស​ថវិកា​ជួយ​ដល់​មន្ទីរពេទ្យ​កុមារ​គន្ធបុប្ផា​កំពុង​តែ​ជួប​បញ្ហា​ផ្នែក​ហិរញ្ញវត្ថុ ដើម្បី​ឲ្យ​មន្ទីរពេទ្យ​មួយ​នេះ​អាច​បន្ត​សេវា​ពិនិត្យ និង​ព្យាបាល​ជំងឺ​ឥត​គិត​ថ្លៃ​ដល់​កុមារ​កម្ពុជា។ ប្រព្រឹត្ត​ទៅ​កាលពី​ថ្ងៃ​អង្គារ៍ ទី​១៧ ខែ​មិថុនា កន្លង​ទៅ​នេះ កម្មវិធី​រាត្រី​សប្បុរសធម៌​របស់​ក្រុម​ម៉ូតូ​ខេធីអឹម មាន​សមាជិក​ចូលរួម​ប្រមាណ​ជា​១៥០​នាក់ ដោយ​ក្នុង​នោះ​មាន​សមាជិក​ជិះ​ម៉ូតូ​ខេធីអឹម​មាន​ចំនួន​១៣០​នាក់ និង​ក្រៅពី​នោះ​ជា​សមាជិក​ក្លិប​ម៉ូតូ​ធំ​កម្ពុជា ហៅ​កាត់​ថា​ស៊ីប៊ីស៊ី (CBC)។