ភ្នំពេញ: នៅ​រសៀល​ថ្ងៃទី ២៤ ខែ​កក្កដា ឆ្នាំ ២០១៧ ចៅក្រម​ជំនំ​ជម្រះ​នៃ​សាលា​ដំបូង​រាជធានី​ភ្នំពេញ​លោក កោ វណ្ឌី បាន​បើក​សវនាការ​លើ​អង្គសេចក្តី​នៅ​ក្នុង​សំណុំ​រឿង​ហិង្សា​ដោយ​ចេតនា និង​ចែកចាយ​រូប​អាស​អាភាស តារា​ចម្រៀង សុខ ចិន្តា ហៅ វ៉ានីឡា ប្អូនស្រី​បង្កើត​កវីសុខ ជំនោរ ដោយ​មានជន​ជាប់ចោទ​ឈ្មោះ គុយ សិទ្ធិសក្តិ ភេទ​ប្រុស​អាយុ ២៦ ឆ្នាំ​មុខរបរ​មន្ត្រី​ពន្ធនាគារ ដែល​បាន​ប្រព្រឹត្ត​ទៅ​នៅ​ថ្ងៃទី ២៦ ខែ​កុម្ភៈ ឆ្នាំ ២០១៦ កន្លង​មក​នេះ។ ប៉ុន្តែ​យ៉ាងណា​ភាគី​ខាង​តារា​ចម្រៀង និង​កវីនិពន្ធ​បែរជា​ថា មិនមាន​ជំនឿ​លើ​ដំណើរការ​ក្តី​ហិង្សា និង​ចរាចរណ៍​រូប​អាសអាភាស​នោះ​ទៅ​វិញ។