ភ្នំពេញៈ ពេល​ថ្មីៗនេះ តារា​សម្តែង​ទើបរះ​លើវិថី​សិល្បៈ​រូបស្រស់ សាច់​សខ្ចី រាង​ស្រលូន​កញ្ញា សួង សុខារ៉ានីត ក៏បង្ហោះ​រូបថត​មួយ​សន្លឹក ដែល​អង្គុយ​ក្បែរ​បុរស​ចំណាស់​ម្នាក់ និងស្ត្រី​ចំណាស់​ម្នាក់ ដែល​មើលទៅ​មានវ័យ​ទំនង​សមជា​ឪពុកម្តាយ និង​បង្ហោះ​សារមួយ​ឃ្លា​បែប​សប្បាយចិត្ត​ថា «ទេវតា​ពិតជា​មាន​ព្រះនេត្រ​ទិព្វ​ពិតមែន ទីបំផុត​អ្នកមានគុណ​របស់ខ្ញុំ​មើលឃើញ​ច្បាស់វិញ​ហើយ ការវះកាត់​កែវភ្នែក​របស់គាត់​គឺទទួល​បាន​ជោគជ័យ​លើសពី​ការស្មាន» ធ្វើឲ្យ​ភ្ញាក់ផ្អើល​ដល់​មហាជន ក៏នាំគ្នា​ផ្ញើសារ​ជូនពរ​ជាហូរហែ​ទៀតផង ដោយ​ស្មានតែ​ជាឪពុក​បង្កើត​របស់​នាង។