មណ្ឌលគិរី: រដូវវិស្សមកាល​ចាប់​ផ្ដើម​ពី​ដើម​ខែ​កញ្ញា វេលា​សិក្សា​ពេញ​ម៉ោង​ត្រូវ​បាន​ផ្អាក​ ក្រុម​ប្រមាញ់​ព្រៃ​ភ្នំ​ខ្លួន​តូច​ដ៏​អង់​អាច​បីនាក់​បាននាំគ្នា​ធ្វើ​ដំណើរ​ឡើង​ភ្នំស្វែង​រក​របស់​អាច​ដោះ​ដូរជា​ប្រាក់​ជួយ​ផ្គត់ផ្គង់​គ្រួសារ។ ម៉ូតូ​កញ្ចាស់​គ្មាន​ស្លាក​លេខ ជា​យាន​ជំនិះ​​ដ៏​រហ័ស​ទាន់ចិត្ត​ អ្នក​ប្រមាញ់​វ័យ​ក្មេងផ្ដើមបោះ​ពួយ​លឿន​ស្លេវ​លើ​ផ្លូវ​រទេះ​រដិប​រដុប​ឆ្ពោះ​ទៅ​កំពូល​ភ្នំ​ជា​គោល​ដៅ​ ដោយ​បំពាក់​ចម្ពាម​គ្រប់ៗ​ដៃ ជាមួយ​នឹង​គ្រាប់​មួយ​ថ្នក់​ធំ។