បាត់ដំបងៈ ខណៈ​ទេសចរ​ខ្មែរ​ទាំង​ជិត ​និង​ឆ្ងាយ​​ភាគ​ច្រើន​តែង​និយម​ទៅ​កម្សាន្ត​ និង​ធ្លាប់តែ​ស្គាល់​តំបន់​ទេស​ចរណ៍​ទឹក​ហូរ​សេក​សក​ប៉ុណ្ណោះ​​ តែ​ប្រសិន​បើ បាន​ធ្វើ​ដំណើរ​ឲ្យហួស​បន្តិច​ទៅមុខ​ នឹង​ជក់ចិត្ត​ជា​មួយ​នឹង​បណ្តុំ​​ទេស​ភាព​ស្រស់​ត្រកាល ដែល​អមទៅ​ដោយ​ដី​ចម្ការ​​ស្វាយ​​ លាយ​ឡំ​ឆ្លាស់​ចម្រុះ​គ្នា​ដោយ​បុប្ផា និង​រុក្ខជាតិ​ផ្សេងៗ​ទៀត ​នៃផ្ទៃ​ដីដ៏​ធំល្វឹង​ល្វើយ​ទំហំ ១២ ​ហិក​តា និង​​មាន​ទឹកហូរ​​ខួប​ប្រាំង​ខួប​វស្សា ​ដែល​អាច​ចុះងូត​លេង​កម្សាន្ត​បាន​យ៉ាង​សប្បាយ​ចិត្ត​ត្រជាក់​កាយា​មិនខាន​ឡើយ​ ពេល​ទៅ​ដល់​រមណីយ​ដ្ឋាន​ធម្មជាតិ​ និង​កែច្នៃ​ ឯកជន​មួយ​មាន​ឈ្មោះ​ថា «កសិដ្ឋាន​​ជ្រលង​បុព្វតា» ខណៈ​នៅ​តាម​មាត់​ច្រាំង​ក៏​មាន​ព្រៃ​ព្រឹក្សា​ដុះ​ស្អេក​ស្កះ​ចោល​ម្លប់ដ៏​​ត្រឈឹង​ត្រឈៃ​ត្រជាក់​ល្ហឹម​តែម្តង។ ​