ភ្នំពេញៈ ស្ថិត​នៅ​លើ​វិសាលភាព​ដីឡូត៍​ទទឹង ៦០ ម៉ែត្រ និង​បណ្តោយ ២០០ ម៉ែត្រ ទី​លម្ហែកាយ​មួយ​ដែល​ទើប​បើក​ដំណើរការ​សាកល្បង​ថ្មីថ្មោង មាន​ម្លប់​ក្យូស​ប្រក់​ស្បូវ​សង់​លើ​វាលស្មៅ​បៃតង​ខ្ចី ដើម​ស្វាយ​ត្រជាក់​ត្រឈឹង​ត្រឈៃ និង​ខ្យល់​អាកាស​ល្អ​បរិសុទ្ធ កំពុង​តែស្រូប​ចំណាប់​អារម្មណ៍​ភ្ញៀវ​និយម​ទទួល​ទាន​អាហារ​នៅ​ក្បែរៗ​ទីក្រុង​ជាមួយ​ជម្រើស​មុខម្ហូប​ឈ្ងុយ​ឆ្ងាញ់​ច្រើន ហើយ​តម្លៃ​ក៏​សមរម្យ​ទៀត​ផង។