កោះកុង: ពី​តំបន់​បណ្ដុំ​ទេសចរណ៍​កម្សាន្ត ដែល​លាក់ខ្លួន​ក្នុងព្រៃ​ភ្នំដ៏​ចម្រូង​ចម្រាស​តាម​ដងស្ទឹង​អារ៉ែង មាន​ទាំង​តំបន់​ត្រីនាគ អណ្តូង​អារ៉ែង តំបន់​ក្រពើ​ភ្នំ និងតំបន់​ទឹកធ្លាក់​ដ៏​ខៀវខ្ចី​គ្រប់រដូវ ទឹកដី​មែកធាង​ខេត្ត​កោះកុង​នៃ​ស្រុក​ថ្មបាំង និង​ល្បីពី​ដំណាំ​ចេក​អំបូង​ថ្មបាំង​នោះ ពេលនេះ​ក៏បង្កើន​នូវ​កិត្តិសព្ទ​អន្ទង​ចិត្ដ​ភ្ញៀវទេសចរ​ថ្មី​បន្ថែម​ទៀត​ពីចម្ការ​ទុរេន​ក្រអូប​ឈ្ងុយ​ពេញ​ច្រមុះ​ឲ្យធ្វើ​ដំណើរ​លើចម្ងាយ​ដីរាប់​រយ​គីឡូម៉ែត្រ​ដើម្បី​ចូលមក​ទស្សនា និង​ភ្លក្ស​រសជាតិ​អនុផល​ខ្មែរ​ពិតៗ។