សៀមរាប: ឥឡូវ​នេះ​គេ​ឃើញ​មាន​វត្តមាន​ភ្ញៀវ​យ៉ាង​ច្រើន​បាន​នាំ​គ្នា​ចាប់​អារម្មណ៍​តំបន់​ទេសចរណ៍​បែប​ប្រពៃណី​មួយ​ឈ្មោះ​ភូមិ​អេកូ​ទេសចរណ៍​រុនតាឯក​ដែល​ជា​ភូមិ​ឋាន​មាន​ទេសភាព​ធម្មជាតិ​ព័ទ្ធ​ដោយ​បឹង​ជា​លា​ធំ​ស្ថិត​នៅក្នុង​ខេត្ត​សៀមរាប​។ ភូមិ​អេកូ​ទេសចរណ៍​រុនតាឯក​នេះ​បាន​ផ្តល់​នូវ​បទពិសោធ​នៃ​ប្រពៃណី​ច្រើន​សម្រាប់​អ្នក​ទេសចរ ខណៈ​វា​ក៏​កំពុង​តែ​ក្លាយ​ជា​ទិសដៅ​កម្សាន្ត​របស់​ភ្ញៀវ​ភាគច្រើន​ផង​ដែរ​។