ព្រះវិហារៈ រាល់ពេល​អាហារ​ថ្ងៃត្រង់ តាំង​ពីឆ្នាំ ២០០៨-២០០៩ សន្ធឹក​នៃ​សំឡេង​រថយន្ត ឬម៉ូតូ ដែល​លាយឡំ​ទៅ​ដោយ​សំណើច​ដ៏ក្អាក​ក្អាយ នៃ​ក្រុម​ភ្ញៀវទេសចរ​ក្នុង​ស្រុក​ទាំង​ក្មេង​ទាំង​ចាស់ មក​កម្សាន្ត​ជា​លក្ខណៈ​គូស្នេហ៍ មិត្តភក្តិ និង​គ្រួសារ ចូល​បន្តកន្ទុយ​គ្នា​មកកាន់​តំបន់​រមណីយដ្ឋាន​ទំនប់​ទឹក ៩៥ ដែល​មាន​បណ្តុំ​ទេសភាព​បែប​ធម្មជាតិ ធ្វើឲ្យ​អារម្មណ៍​ធូរស្បើយ​ជាមួយ​នឹង​ខ្យល់​ល្អ​បរិសុទ្ធ អង្គុយ​ក្រោម​ម្លប់​ក្យូស​ស្បូវ ញ៉ាំ​អាហារ​យ៉ាង​ឆ្ងាញ់​ពិសា។