ក្រចេះ: ក្រុម​ភ្ញៀវទេសចរ​ទីជិត និងឆ្ងាយ កម្រ​ទៅដល់​តំបន់​សហគមន៍​ទេសចរណ៍​ធម្មជាតិ ដ៏​ស្រស់​បំព្រង ដែល​លម្អ​ដោយ​បណ្តុំ​ទេសភាព​ជាទី​មនោរម្យ​នៃទឹក​ទន្លេ​មេគង្គ​ត្រជាក់ស្រេង ថ្លាឆ្វង់​អាចឆ្លុះ​មុខបាន ហូរ​ខ្មួលខ្មាញ់​ប្រដេញ​លេង​នឹង​ផ្ទាំង​ថ្មផុស​ពីបាត​ទន្លេ និង​លាយឡំ​ដោយ​រុក្ខជាតិ​តូចធំ​ពណ៌​បៃតងខ្ចី ដោយ​សារតែ​ស្ថានភាព​ផ្លូវចូល​មិនសូវ​អំណោយ​ផលល្អ ទើប​អាចជា​ឧបសគ្គ​សម្រាប់​ដំណើរ​កម្សាន្ត​របស់​ភ្ញៀវ។ មើលទៅ​ទីនេះ​ហាក់​ដូចជា​ចង់​ស្វាគមន៍ ឬ​អន្ទង​ហៅក្រុម​ភ្ញៀវ​ទាំងឡាយ​មកទស្សនា លម្ហែកាយ​អួត​សម្រស់​របស់​ខ្លួន។