បើ​ទោះ​បី​ជា​ទទួល​រង​ការ​គំរាម​សម្លាប់​មួយ​ពូជ​ជា​ញឹកញាប់​ពី​ក្រុម​ជន​មិន​ស្គាល់​មុខ​ដោយសារ​តែ​លោក​តែងតែ​ចេញ​មុខ​ជួយ​ការពារ​ប្រជាពលរដ្ឋ​ក្រីក្រ​ដែល​ត្រូវ​បាន​គេ​រំលោភ​បំពាន​ដីធ្លី និង​ចេញ​មុខ​ជួយ​ទប់​ស្កាត់​ការ​កាប់​បំផ្លាញ​ព្រៃឈើ​ក្តី​ក៏​លោក​ ឆាយ ធី ដែល​ជា​អតីត​មន្ត្រី​រាជការ​នៅ​ក្រសួង​កសិកម្ម​នៅ​តែ​មិន​ព្រម​បោះបង់​ការងារ​ជា​អ្នក​ការពារ​សិទ្ធិ​មនុស្ស​នោះ​ឡើយ​ថែម​ទាំង​​ប្តេជ្ញា​ថា​នឹង​នៅ​តែ​បន្ត​ធ្វើ​ការងារ​នេះ​រហូត​ដល់​វ័យ​ចាស់​ជរា។