រហូត​មក​ដល់​ដើម​សប្តាហ៍​នេះ​ប្រជាជន​ក្នុង​មូល​ដ្ឋាន​នៅ​តែ​អះ​អាង​ថា ព័ត៌មាន​ផ្លូវ​ការ​នៃ​គម្រោង​អភិវឌ្ឍន៍​អគារ​ប៊ុល​ឌិង​ស ជា​ទី​កន្លែង​ដែល​តែងតែ​លេចឮ​ដំណឹង​ពី​គម្រោង​វិនិយោគ​នានា​លើ​សំណង់​អគារ​ដ៏​វែង​ជាង​គេ​ស្ថិត​នៅ​កណ្តាល​រាជធានី​ភ្នំពេញ​មួយ​នេះ នៅ​តែ​ជា​«​អាថ៌កំបាំង​»។ ទន្ទឹម​នឹង ​នេះ​មន្ត្រី​ក្រសួង​បាន​អះអាង​ថា ខ្លួន​កំពុង​ពន្លឿន​ល្បឿន​នៃ​ការ​សិក្សា​ឲ្យ​ជាក់លាក់​មួយ​អំពី​គម្រោង​ ​នេះ ខណៈ​រដ្ឋមន្ត្រី​ទើប​បញ្ចេញ​អត្តសញ្ញាណ​ក្រុមហ៊ុន​វិនិយោគ​នោះ​ឈ្មោះ​ក្រុមហ៊ុន Arakawa របស់​ជប៉ុន​។​