អ្វីដែលលោកអ្នកត្រូវការ គឺចង្វាក់តន្ត្រី និងការធ្វើវាឡើងវិញជាដដែលៗ។ នោះគឺជាពាក្យវេទមន្តនៅពេលដែលលោកអ្នកបោះជំហានចូលរួមជាមួយថ្នាក់ហាត់ប្រាណ LesMills។ ភាពសប្បាយរីករាយនៅពេលធ្វើលំហាត់ប្រាណ គឺការស្ដាប់សំឡេងនៃចង្វាក់តន្ត្រី ហើយវានឹងធ្វើឲ្យលោកអ្នកឈ្លក់វង្វេងនៅពេលដែលធ្វើវា។
ចូលរួមជាមួយថ្នាក់ហាត់របស់ LesMills យើងជឿជាក់ថា វានឹងជំរុញឲ្យលោកអ្នកមានរូបរាងកាន់តែស័ក្តិសម បង្កើនភាពប្រកួតប្រជែងជួបជាមួយមិត្តថ្មីៗ ហើយចុងក្រោយនោះគឺសម្រេចបានគោលដៅរបស់លោកអ្នក។
មានថ្នាក់ហាត់ចំនួន ៣ រួមមាន LesMills BODYPUMP ដែលជាការហ្វឹកហាត់ដោយការលើកទម្ងន់ជាគោល ចាប់ពីផ្នែកខាងលើ កណ្ដាលនិងផ្នែកខាងក្រោមនៃដងខ្លួនរបស់យើង។ LesMills RPM ជាការហ្វឹកហាត់ដោយយកថ្នាក់ជិះកង់ជាគោលដោយមានការប៉ះពាល់តិច និងដុតជាតិខ្លាញ់បានយ៉ាងច្រើន និងទី៣ គឺថ្នាក់ Les Mills BODYCOMBAT ជាថ្នាក់ហ្វឹកហាត់ដោយយកក្បាច់គុនជាគោល និងជួយបង្កើនភាពប្រសើរឡើងនៃចលនាបេះដូង។
លោក Randy Fadlila ប្រធានផ្នែកទីផ្សារនៃក្លឹបហាត់ប្រាណ The Place Fitness Center បានឲ្យដឹងថា៖ «ដោយមើលឃើញថា មានការកើនឡើងនៃសមាជិកកាន់តែច្រើននោះបានជំរុញឲ្យយើងតែងតែផ្ដល់នូវអ្វីដែលប្រសើរបំផុតទាំងឧបករណ៍ និងសេវាកម្ម ។ ជាក់ស្ដែងគណៈគ្រប់គ្រងបានសម្រេចធ្វើការវិនិយោគដោយនាំមកជូននូវថ្នាក់ហាត់របស់ Les Mills មកកាន់ក្លិបហាត់ប្រាណ The Place Fitness Center។
«ហើយជាមួយវត្តមានថ្នាក់ហាត់ថ្មីនេះ សមាជិករបស់យើងអាចធ្វើការជ្រើសរើសការហាត់ដោយសេរីអាស្រ័យទៅលើសកម្មភាពផ្ទាល់របស់ពួកគេដើម្បីសម្រេចបានគោលដៅនៅក្នុងការហាត់ប្រាណរបស់ពួកគេ»។
The Place Fitness Center គឺជាក្លិបហាត់ប្រាណដែលបានបំពាក់នូវសម្ភារទំនើបៗចុងក្រោយបង្អស់ ហើយមានសមាជិកច្រើនជាង ៣ ០០០ នាក់។ ឥឡូវនេះ លោកអ្នកអាចស្វែងរកក្លិបហាត់ប្រាណ The Place Fitness Center ដែលស្ថិតនៅក្នុង សង្កាត់បឹងកេងកង១ និងខណ្ឌទួលគោក ដែលទីតាំងទាំងនោះជាតំបន់យុទ្ធសាស្ត្រ និងពោរពេញដោយសក្ដានុពលនៅក្នុងទីក្រុងភ្នំពេញនៃព្រះរាជាណាចក្រកម្ពុជា។
នៅទីនេះមានផ្ដល់ជូនដូចជា អាងហែលទឹក ស្ទូឌីយោហ្វឹកហាត់យូហ្គា ស្ទូឌីយោហ្វឹកហាត់ជិះកង់ ស្ទូឌីយោសម្រាប់ធ្វើលំហាត់ប្រាណជាក្រុម និងស្ទូឌីយោសម្រាប់ការហ្វឹកហាត់ផ្សេងៗ (functional studio) ដោយបានបំពាក់នូវឧបករណ៍ទំនើបៗពីក្រុមហ៊ុនផ្គត់ផ្គង់ឧបករណ៍ហាត់ធំៗដូចជាTechnogym, Reebok និង Adidas ជាដើម។
បុគ្គលិកជាច្រើននាក់ទទួលបានវិញ្ញាបនបត្រថ្នាក់អន្តរជាតិ និងប្រកបដោយវិជ្ជាជីវៈ។ ក្លិបហាត់ប្រាណ តែងតែរិះរកនូវអ្វីដែលថ្មីដើម្បីគាំទ្រ និងជំរុញទឹកចិត្តដល់សមាជិករបស់ខ្លួននៅក្នុងការហាត់ប្រាណរបស់ពួកគេ៕