ភ្នំពេញៈ ក្រសួង​មហាផ្ទៃ​​ មិន​ទទួល​ស្គាល់​​ថ្នាក់​ដឹកនាំ​ថ្មី​របស់​គណបក្ស​ប្រឆាំង​ដែល​កើត​ចេញ​ពី​ការ​ធ្វើ​សមាជ​វិសាមញ្ញ​កាលពី​ថ្ងៃ​ទី​ ២ ​ខែ​មីនា​នោះ​ទេ​ហើយ​បាន​ជំរុញ​ឲ្យ​គណបក្ស​នេះ​ធ្វើការ​កែតម្រូវ​ឲ្យ​ស្រប​ទៅ​តាម​លក្ខន្តិកៈ​ចាស់​របស់​ខ្លួន និង​ត្រូវ​ប្តូរ​ពាក្យ​ស្លោក «ដូរ​មេឃុំ​បម្រើ​បក្ស ដាក់​មេឃុំ​បម្រើ​រាស្ត្រ»​ចេញ​ជាមួយ​នឹង​ការ​ព្រមាន​ថា បើ​មិន​ដូច្នោះ​ទេ​ក្រសួង​នឹង​មាន​វិធានការ​ផ្សេង​ទៀត​ ប៉ុន្តែ​មិន​បាន​បញ្ជាក់​ពី​ការ​អាច​ឈាន​ទៅ​ដល់​ការ​រំលាយ​គណបក្ស​ប្រឆាំង​ដែល​ជា​គូ​ប្រកួត​ប្រជែង​ដ៏​ស្រួច​ស្រាល់​ជាមួយ​គណបក្ស​កាន់​អំណាច​​​មួយ​នេះ​ឡើយ​។