ភ្នំពេញ: ប្រជាពលរដ្ឋ​មួយ​ក្រុម​បាន​ធ្វើ​ដំណើរ​ពី​ខេត្ត​តាកែវ និង កំពត​មក​កាន់​សង្កាត់​ស្ទឹងមានជ័យ ខណ្ឌ​មានជ័យ ក្រុង​ភ្នំពេញ​ដើម្បី​ដាក់​ពាក្យ​បណ្ដឹង​ចោទប្រកាន់​ក្រុមហ៊ុន​ជ្រើសរើស​ពលករ​មាន​ឈ្មោះ​ព្រូតភិចឃីង អូស្ត្រាលី​ ( Fruit Picking Australia) ​ដែល​បោក​បញ្ឆោត​លុយ​ជាច្រើន​រយ​ដុល្លារ​សហរដ្ឋអាមេរិក ខណៈ​ដែល​ក្រុមហ៊ុន​នេះ​បាន​បិទ​ទ្វារ​ដោយ​មិន​បាន​បញ្ជូន​ពលករ​ខ្មែរ​ទៅ​ធ្វើការ​ក្នុង​រោងចក្រ​ស្បែកជើង​នៅ​ហុងកុង​ និង​ចិន​។