កោះកុងៈ ចៅក្រម​ជំនុំ​ជម្រះ​សាលា​ដំបូង​​​ខេត្ត​កោះកុង​នឹង​ប្រកាស​សាលក្រម​លើ​​សំណុំ​រឿង​តំណាង​​សហគមន៍​តំបន់​អារ៉ែង​លោក វ៉ែន វ៉ន ដែល​រង​ការ​ចោទ​ចំនួន​ពីរ​បទល្មើស​ពាក់ព័ន្ធ​នឹង​​ការ​ប្រមូល​​អនុផល​​ព្រៃឈើ​នៅ​ថ្ងៃ​ដើម​​ខែ​​មីនា​ខាង​មុខ​ក្រោយពី​បាន​​បើក​សវនាការ​សួរ​ដេញដោល​ពេញ​មួយ​ព្រឹក​កាលពី​ថ្ងៃ​ម្សិលមិញ​ដែល​ក្នុង​នោះ​តំណាង​អយ្យការ​បាន​ស្នើ​​ដល់​ចៅក្រម​ឲ្យ​​ទម្លាក់​បទ​ចោទ​មួយ​​ករណី​វិញ​ដោយសារ​ពុំ​​មាន​​ធាតុ​ផ្សំ​​គ្រប់គ្រាន់​ក្នុង​ការ​​ចោទប្រកាន់។