ភ្នំពេញៈ លោក ហេង សំរិន ប្រធាន​រដ្ឋសភា កាល​ពី​ថ្ងៃ​ចន្ទ​ម្សិល​មិញ ក្នុង​ជំនួប​ពីរ​ផ្សេង​គ្នា​ជាមួយ​នឹង​គណៈ​ប្រតិភូ​អាមេរិក និង​គណៈ​ប្រតិភូ​កូរ៉េ ដែល​កំពុង​ធ្វើ​ទស្សន​កិច្ច​នៅ​កម្ពុជា​ បាន​ប្រកាស​គាំទ្រ​បេសកកម្ម​បន្ត​ស្វែង​រក​អដិ្ឋធាតុ​ទាហាន​អាមេរិក​បាត់​ខ្លួន​ ក្នុង​សម័យ​សង្គ្រាម​នៅ​កម្ពុជា​ និង​ជំរុញ​ឲ្យ​សភា​កូរ៉េ​ លើក​ទឹក​ចិត្ត​ដល់​ពល​រដ្ឋ​របស់​ខ្លួន​ មក​ធ្វើ​ទេសចរណ៍ និង​វិនិយោគ​នៅ​កម្ពុជា​ឲ្យ​បាន​ច្រើន​ថែម​ទៀត។