ភ្នំពេញៈ បន្ទាប់ពី​បាន​ធ្វើការ​សួរ​ចម្លើយ​ពេញ​មួយ​ថ្ងៃ​នៅ​ទី​បំផុត​សាលា​ដំបូង​រាជធានី​ភ្នំពេញ​បាន​សម្រេច​ធ្វើការ​ចោទប្រកាន់ និង​បញ្ជូន​ទៅ​ឃុំ​ខ្លួន​នៅ​ពន្ធនាគារ​ព្រៃស​អតីត​អ្នក​បើកបរ​ក្រុមហ៊ុន​កាពីតូល​លោក ណន វណ្ណា និង​លោក ​រស់ ស៊ីផៃ សមាជិក​សហភាព​ការងារ​កម្ពុជា​ដែល​ក្រុម​អង្គការ​សង្គម​ស៊ីវិល​ចាត់ទុក​ថា​វា​ជា​រឿង «​អយុត្តិធម៌» ខណៈ​ជន​ទាំង​ ២ នាក់​នេះ​គឺ​សុទ្ធ​តែ​ជា​ជនរងគ្រោះ។ ជា​មួយ​គ្នា​នេះ​តុលាការ​ក៏​បាន​ធ្វើការ​ចោទ​ប្រកាន់​មន្ត្រី​សហជីព​ចំនួន​ ៤ ​នាក់​ផ្សេង​ទៀត​ដែល​នៅ​ក្រៅ​ឃុំ​ផង​ដែរ​ពី​បទ​ហិង្សា​ដោយ​ចេតនា​មាន​ស្ថាន​ទម្ងន់​ទោស​ដូច​គ្នា​នេះ​។