បើ​ទោះបី​ជា​ខេត្ត​សៀមរាប គឺជា​តំបន់​ទេសចរណ៍​ដ៏ល្បីល្បាញ​របស់​កម្ពុជា ដែល​គ្រាន់តែ​នៅក្នុង​ឆ្នាំ​២០១៣ មាន​ភ្ញៀវទេសចរ​បរទេស​ចូល​មក​ទស្សនា​ចំនួន​ជាង​២,២ លាន​នាក់​ក៏ដោយ ក៏​ឧស្សាហកម្ម​គ្មាន​ផ្សែង​មួយ​នេះ ស្ទើរតែ​មិន​បាន​ផ្តល់​អត្ថប្រយោជន៍​អ្វី​ដល់​កូនចៅ​ជំនាន់​ក្រោយ​របស់​អ្នក​កសាង​អង្គរ​នោះ​ឡើយ។ ក្នុង​ខេត្ត​នេះ​យ៉ាង​ហោច​ណាស់​មាន​មនុស្ស​ប្រមាណ​២​ម៉ឺន​នាក់​បាន​ចាកចោល​ភូមិ​កំណើត​ទៅ​ប្រទេស​ថៃ។