ព្រះសីហនុៈ បុរស​ម្នាក់​ឈ្មោះ​ យូ ណារិន ​ដែល​អះអាង​ដោយ​ខ្លួនឯង​ថា​ជា​ឧត្តមសេនីយ៍ទោ និង​ជា​មេបញ្ជាការរង​នៃ​បញ្ជាការដ្ឋាន​កងអង្គរក្ស​នាយក​រដ្ឋមន្ត្រី​ ហ៊ុន សែន ​ហើយ​ដើរ​កៀរគរ​ពលរដ្ឋ​ចូល​សង់​លំនៅឋាន​រំលោភ​យក​ដី​រដ្ឋ និង​ឯកជន​ក្នុង​ខេត្ត​ព្រះសីហនុ​នាពេល​ថ្មីៗ​នេះ​ត្រូវ​បាន​តុលាការ​ខេត្ត​ព្រះសីហនុ​បញ្ជា​ឲ្យ​ឃុំ​ខ្លួន​បណ្ដោះអាសន្ន​កាលពី​ម្សិលមិញ​ជាមួយ​បទ​ចោទ​ចំនួន​ ៣ ​បន្ទាប់ពី​កម្លាំង​កងរាជអាវុធហត្ថ​ខេត្ត​ព្រះសីហនុ​ចាប់​ខ្លួន​កាលពី​ថ្ងៃ​ពុធ​។ ​នេះ​បើ​តាម​លោក លឹម ប៊ុនហេង អ្នក​នាំពាក្យ​អយ្យការ​សាលា​ដំបូង​ខេត្ត​ព្រះសីហនុ​។