កណ្តាលៈ គណបក្ស​កាន់​អំណាច និង​គណបក្ស​ប្រឆាំង​ដែល​គូប្រជែង​នយោបាយ​កំពុង​សម្លឹង​ទៅ​ដល់​ការ​បោះឆ្នោត​ឃុំ សង្កាត់​នៅ​ថ្ងៃ​អាទិត្យ​សប្តាហ៍​នេះ​ថា​ជា​ការ​បោះឆ្នោត​មួយ​ដ៏​មាន​សារៈសំខាន់​សម្រាប់​ពួកគេ ព្រោះ​វា​ជា​ការ​ស្ទាបស្ទង់​មតិ​សម្រាប់​ការ​ប្រកួត​ប្រជែង​នៅក្នុង​ការ​បោះឆ្នោត​ថ្នាក់ជាតិ នៅ​ឆ្នាំ​ក្រោយ ប៉ុន្តែ​សម្រាប់​អ្នក​បោះឆ្នោត​ក្នុង​មូលដ្ឋាន​មួយ​ចំនួន​ពួកគាត់​មាន​អារម្មណ៍​ថា​ខ្លួន​ត្រូវ​គណបក្ស​ធំៗ​មើល​រំលង​នោះ​ពួកគាត់​កំពុង​ងាក​ទៅ​រក​គណបក្ស​តូចៗ​ជំនួស​វិញ​។