ភ្នំពេញៈ បន្ទាប់ពី​មាន​ការ​ដាក់​ឱសានវាទ​ពី​លោក​នាយក​រដ្ឋមន្ត្រី ហ៊ុន សែន ឲ្យ​មន្ត្រី​គណបក្ស​ប្រឆាំង​ចុះ​ចូល​ជាមួយ​គណបក្ស​ប្រជាជន​កម្ពុជា​ឲ្យ​បាន​មុន​ថ្ងៃ​ទី​ ១៦ វិច្ឆិកា ក្រុម​មន្ត្រី​គណបក្ស​ប្រឆាំង​ពី​ម្សិលមិញ​បាន​អះអាង​ថា​មន្ត្រី​គណបក្ស​កាន់​អំណាច​បាន​បើក​យុទ្ធនា​ការ​ធ្វើការ​គំរាម​កំហែង​ផង បំភិត​បំភ័យ​ផង និង​លួងលោម​ផង​ដល់​មេឃុំ ចៅសង្កាត់ និង​ក្រុមប្រឹក្សា​របស់​គណបក្ស​សង្គ្រោះ​ជាតិ​ឲ្យ​ចុះ​ចូល​ជាមួយ​គណបក្ស​ប្រជាជន ប៉ុន្តែ​មន្ត្រី​គណបក្ស​ប្រជាជន​បាន​បដិសេធ​ចំពោះ​ការ​អះអាង​នេះ​។