ភ្នំពេញៈ ព្រះរាជអាជ្ញារង​អម​សាលា​ដំបូង​រាជធានី​ភ្នំពេញ​លោក​ ស៊ិន វីរៈ នៅ​ក្នុង​សវនាការ​កាលពី​ម្សិលមិញ​បាន​ហាម​មេធាវី​តំណាង​ឲ្យ​សមាជិក​សភា​គណបក្ស​ប្រឆាំង​​ដែល​រង​ការ​វាយដំ​មិន​ឲ្យ​សួរ​ជនជាប់ចោទ​នូវ​សំណួរ​ពាក់ព័ន្ធ​នឹង​មេបញ្ជាការ​កង​អង្គរក្ស​លោក​នាយក​រដ្ឋមន្ត្រី ហ៊ុន សែន ទេ​ដោយ​លើក​ឡើង​ថា​នាំ​ឲ្យ​ប៉ះពាល់​ដល់​សិទ្ធិ​បុគ្គល​ប៉ុន្តែ​មន្ត្រី​សិទ្ធិ​មនុស្ស​ និង​មេធាវី​ការពារ​ជនរងគ្រោះ​ថា​ជា​ការ​ធ្វើឲ្យ​ប៉ះពាល់​សិទ្ធិ​ការពារ​ក្ដី និង​ផ្ទុយ​ពី​នីតិវិធី​នៃ​ការ​ជំនុំ​ជម្រះ​។