ភ្នំពេញៈ រដ្ឋមន្រ្តី​ក្រសួង​ការងារ និង​បណ្តុះបណ្តាល​វិជ្ជាជីវៈ​កាលពី​ម្សិលមិញ​បាន​ជួប​សំណេះ​សំណាល​ជាមួយ​កម្មករ​ដែល​ស្នាក់នៅ​តាម​ផ្ទះ​ជួល​ក្នុង​សង្កាត់​ភ្នំពេញ​ថ្មី​រាប់រយ​នាក់ ជា​អ្វី​ដែល​បង្ហាញ​ថា​រដ្ឋាភិបាល​កំពុង​បន្ត​យក​ចិត្ត​ទុក​ដាក់​ពី​សុខភាព​ពួកគេ​បន្ថែម​ពី​គ្រោះថ្នាក់​ការងារ ខណៈ​ក្រសួង​នេះ​ទើប​ប្រកាស​ការ​ដាក់​បញ្ចូល​សេវា​បង្ការ​សុខភាព​ចំនួន ៦ ក្នុង​របប​សន្តិសុខ​សង្គម (បសស) និង​ផ្នែក​ថែទាំ​សុខភាព។