ភ្នំពេញៈ រាជ​រដ្ឋាភិបាល បាន​សម្រេច​ដំឡើង​ប្រាក់​ឈ្នួល​ជូន​កម្មករ​និយោ​ជិត ផ្នែក​វាយនភ័ណ្ឌ​កាត់​ដេរ និង​ផលិត​ស្បែក​ជើង​ចំនួន ១២៨ ដុល្លារ​ក្នុង​មួយ​ខែ ដែល​ត្រូវ​ចាប់​ផ្តើម​អនុវត្ត​ចាប់​ពី ខែ​មករា ឆ្នាំ​២០១៥ តទៅ។ ទោះ​ជា​យ៉ាង​ណា​សហជីព​ដែល​ការពារ​ផល​ប្រយោជន៍​កម្មករ​នៅ​តែ​ទទូច​ឲ្យ​មាន​ការ​ដំឡើង​ដល់ ១៤០ ដុល្លារ ខណៈ​ដែល​សមាគម​រោងចក្រ​កាត់​ដេរ​បាន​ព្រមាន​ថា រោងចក្រ​ប្រមាណ ៣០ ភាគរយ​អាច​នឹង​បិទ​ទ្វារ ដោយ​សារ​ការ​ដំឡើង​ប្រាក់​ឈ្នួល​ខ្ពស់​នេះ។