ភ្នំពេញៈ បើ​យោង​ទៅ​តាម​បទ​ចោទ​បឋម របស់​តុលាការ នៅ​ក្នុង​ដីកា​កោះ​ហៅ​ឲ្យ​ចូល​ទៅ​បំភ្លឺ​ក្នុង​នាម​ជា​ជន​សង្ស័យ ចេញ​កាល​ពី​ថ្ងៃ​សុក្រ​ពីបទ​ «ផ្តល់​សេចក្តី​ប្រកាស​ដោយ​ភូត​កុហក» លោក ជុន ​ច័ន្ទ​បុត្រ អនុប្រធាន​វិទ្យុ​អាស៊ី​សេរី ភាសា​ខ្មែរ អាច​ប្រឈម​នឹង​ទោស​​ជាប់​ពន្ធនាគារ​រហូត​ដល់ ២ ឆ្នាំ​ ពាក់​ព័ន្ធ​នឹង​រឿង​​បន្លំ​ខ្លួន​ចូល​ទៅ​ក្នុង​ពន្ធនាគារ​ព្រៃ​ស បើ​ទោះ​បី​ជា​អ្នក​កាសែត​រូប​នេះ បាន​ថ្លែង​ថា ខ្លួន​បាន​ចូល​ទៅ​ក្នុង​ពន្ធនាគារ​ដោយ​មាន​ការ​អនុញ្ញាត​ពី​អ្នក​ទទួល​ខុស​ត្រូវ​នៅ​ពន្ធនាគារ​យ៉ាង​ណា​ក៏​ដោយ។